Mesditen e kësaj të hëne një person është plagosur si pasojë e përplasjes së dy kamionëve në Elbasan.
Policia njofton se ngjarja ka ndodhur në oborrin e firmës ‘Kurum’, në fshatin Bradashesh, ku automjeti kamion me drejtues një shqiptar nga Kosova, 63 vjeç, gjatë kryerjes së një manovre ka përplasur një automjet kamion të parkuar.
Si pasojë e goditjes është dëmtuar një 56-vjeçar nga Kosova i cili ka qenë në afërsi të kamionit.
I aksidentuari është dërguar menjëherë në spital për të marrë ndihmën mjekësore të nevojshme dhe fatmirësisht ndodhet jashtë rrezikut për jetën.
