KRUJË– Një aksident i rëndë është regjistruar pasditën e kësaj të hëne në Fushë Krujë. Raportohet se dy automjete janë përplasur me njëra-tjetrën dhe për pasojë një grua ka mbetur e plagosur. Ajo është dërguar menjëherë në spiital dhe ndodhet nën kujdesin e mjekëve, jashtë rrezikut pëtr jetën. Grupi hetimor ka mbërritur në vendin e ngjarjes dhe po punon për zbardhjen e plotë të rrethanave të aksidentit.
NJOFTIMI I POLICISË:
Krujë/Informacion paraprak Rreth orës 17:50, në Fushë Krujë, një automjet me drejtues shtetasin B. Xh., është përplasur me automjetin me drejtues shtetasin H. B. Si pasojë e përplasjes është dëmtuar pasagjerja M. Xh, që ndodhej në automjetin që drejtonte shtetasi B. Xh, e cila ndodhet nën kujdesin e mjekëve jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit
