GJIROKASTËR– Një aksident i rëndë është regjistruar mesditën e kësaj të premteje në vendin e quajtur “Kthesa e Lazaratit”. Raportohet se një 56-vjeçar i identifikuar me inicilaet H.L a rënë nga karroceria e një kamionçine duke mbetur i plagosur. Dhe pse u përfshi në aksident shoferi i mjetit është larguar nga vendngjarja por arratia nuk zgjati shumë pasi u vu në pranga nga blutë e Gjirokastrës.
NJOFTIMI I POLICISË:
Rreth orës 12:50, në vendin e quajtur “Kthesa e Lazaratit”, dyshohet se shtetasi H. L., 56 vjeç, banues në Përmet, është rrëzuar nga karroceria e automjetit kamionçinë që drejtohej nga shtetasi Gj. T., 38 vjeç, banues në fshatin Lazarat, Gjirokastër. Drejtuesi i automjetit është larguar nga vendngjarja, por pas disa minutash është kapur nga shërbimet e Policisë. Shtetasi H. L. është transportuar në Spitalin Rajonal Gjirokastër, për të marrë ndihmën mjekësore dhe ndodhet jashtë rrezikut për jetën. Drejtuesi i automjetit është shoqëruar në ambientet e DVP Gjirokastër, për kryerjen e procedurave të mëtejshme. Grupi hetimor po punon për sqarimin e rrethanave të ngjarjes.
