KORÇË– Një makinë ka përplasur një motor ditën e sotme në Korçë, ku për pasojë drejtuesi i motomjetit ka mbetur i plagosur. Sakaq ai është nisur menjëherë drejt spitalit për të marrë ndihmë mjekësore të menjëhershme.
Njoftimi i Policisë:
Korçë/Informacion paraprak Më datë 06.08.2023, rreth orës 07:55, në lagjen nr. 18, në unazën e qytetit të Korçës, automjeti tip “Peugeot” me drejtues shtetasin P. V., 74 vjeç, ka përplasur një motomjet me drejtues shtetasin D. H., i cili u dërgua për mjekim në spital, ku ndodhet jashtë rrezikut për jetën. Me drejtuesin e automjetit po kryhen veprimet e mëtejshme procedurale. Grupi hetimor po punon për sqarimin e rrethanave të aksidentit.
