Aksident në Librazhd/ Përfshihen një kamion dhe 7 autovetura
Një kamion i tonazhit të rëndë është përfshirë në një aksident masiv, ku të paktën shtatë autovetura janë përplasur me njëra-tjetrën dhe për pasojë është bllokuar qarkullimi.
Burime nga vendngjarja bënë me dije se kamioni që qarkullonte nga Librazhdi në drejtim të Elbasanit gjatë një manovre të gabuar në tentativë për parakalim është përplasur me një autoveturë, çka ka shkaktuar më pas përplasjen në varg.
Aksidenti i rëndë është regjistruar në aksin Librazhd-Elbasan, në vendin e njohur si “Kthesa e Murrashit”.
