Aksident në Lin-Pogradec, përplasen dy makina, nuk raportohet për të plagosur

POGRADEC– Një aksident është shënuar mesditën e sotme në aksin rrugor Lin-Pogradec. Mësohet se dy makina janë përplasur me njëra-tjetrën por fatmirësisht nuk raportohet për persona të lënduar. Policia ka mbërritur në vendngjarje dhe ka ngritur një grup hetimor që po punon për zbardhjen e plotë të rrethanave të aksidentit. Paraprakisht dyshohet se shkak të jetë bërë shpejtësia e lartë.