AFP duke cituar zyrtarë lokalë të sigurisë raportoi se të paktën 10 emigrantë kubanë që ishin fshehur në një kamion mallrash kanë vdekur pasi automjeti u përmbys në një autostradë në shtetin jugor meksikan të Chiapas. Aksidenti ndodhi pranë kufirit të Guatemalës.
Zyrtarët lokalë u shprehën se të paktën 17 të tjerë u plagosën, duke shtuar se një nga viktimat ishte një fëmijë. Një raport tha se të gjitha ishin femra.
Instituti Kombëtar i Migracionit (INM) në një deklaratë tha se ky ishte aksidenti i dytë fatal në më pak se një javë që përfshin emigrantë. Shoferi i kamionit, i cili nuk është projektuar për të transportuar kaq shumë njerëz, u largua nga vendi i aksidentit.
IMN shton; “Sipas raportimeve të para, drejtuesi i mjetit ka qenë me shpejtësi, ka humbur kontrollin e automjetit dhe është përmbysur.”
Aksidenti ndodhi në një pjesë të autostradës përgjatë bregut të Paqësorit, të cilin emigrantët e përdorin shpesh në përpjekje për të arritur në SHBA.
