BULQIZË– Një minator ka mbetur i plagosur mesditën e kësaj të marte në minierën e Bulqizës. Raportohet se 50-vjeçari i identifikuar me inicialet Sh.K është plagosur rëndë në këmbë dhe ndodhet jashtë rrezikut për jetën. Për një mjekim më të specializuar ai është nisur me helikopter drejt spitalit të Traumës në Tiranë. Policia dhe grupi hetimor po punojnë për zbardhjen e plotë të ngjarjes.
NJOFTIMI I POLICISË:
Bulqizë /informacion paraprak Rreth orës 11.00, është dërguar për ndihmë mjekësore në spital shtetasi Sh.K., 50 vjeç, i cili gjatë punës në një minierë kromi në qytetin e Bulqizës, është aksidentuar jashtë rrezikut për jetën duke u lënduar në këmbë. Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarjeje.
