BULQIZË– Tre minatorë kanë mbetur të plagosur paraditën e kësaj të hëne në minierën e Bulqizës. Raportohet se shkak të jetë bërë shpërthimi i gazit. Mësohet se tre minatorët kanë pësuar djegie të rëndë të shkallës së tretë dhe janë nisur me urgjencë drejt Tiranës. Policia ende nuk ka reaguar në lidhje me ngjarjen. Rrjedhja e gazit është vënë nën kontroll.
NJOFTIMI I POLICISË:
Bulqizë/informacion paraprak. Në një subjekt minerar, në Bulqizë, gjatë punës në nivelin 17 të pusit, dyshohet se ka shpërthyer një sasi gazi dhe për pasojë kanë pësuar djegie trupore tre punëtorë që ndodheshin në këtë nivel, konkretisht shtetasit F.S; Rr.K., dhe A.Ç. Të lënduarit po marrin ndihmë mjekësore dhe ndodhen jashtë rrezikut për jetën. Është bërë menjëherë evakuimi i të gjithë punëtorëve nga fronti i punës dhe rrjedhja e gazit është vënë nën kontroll. Situata aktualisht është normalizuar. Grupi hetimor ndodhet në vendin e ngjarjes dhe në bashkëpunim me Prokurorinë, po punohet për zbardhjen e shkaqeve të plota të kësaj ngjarjeje.
