Aksident në minierën e Martaneshit, plagoset një person
Një person ka mbetur i plagosur si pasojë e një aksidenti të ndodhur në minierën e Martaneshit.
Rreth orës 14.00, në një subjekt minerar në zonën e Martaneshit, Bulqizë, dyshohet se gjatë punës është aksidentuar shtetasi M. B., rreth 56 vjeç, i cili është dërguar për ndihmë mjekësore më të specializuar drejt Tiranës.
Grupi hetimor po punon për zbardhjen dhe dokumentimin e rrethanave të ngjarjes.
