KRUJË– Një aksident është regjistruar këtë të enjte në kryqëzimin e Niklës. Raportohet se dy makina janë përplasur me njëra-tjetrën duke lënë të plagosur dy persona. Të plagosurit, drejtuesi i njërit prej mjeteve dhe pasagjerja janë dërguar në spital dhe ndodhën nën kujdesin e bluzave të bardha jashtë rrezikut për jetën. Grupi hetimor i mbërritur në vendin e ngjarjes po punon për zbardhjen e shkaqeve të aksidentit.
NJOFTIMI I POLICISË:
Krujë/Informacion paraprak Rreth orës 09:30, te kryqëzimi i Niklës, automjeti me drejtues shtetasin E. Ç., 26 vjeç, është përplasur me automjetin me drejtues D. F., 32 vjeç. Si pasojë e këtij aksidenti, kanë mbetur të demtuar drejtuesi i automjetit, shtetasi E. Ç. dhe pasagjerja në këtë automjet, motra e tij, shtetasja B. Ç., 22 vjeçe, të cilët ndodhen në spital, në kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të këtij aksidenti.
