ELBASAN- Një aksident është regjistruar këtë të hënë në Qafë Thanë, ku bëhet me dije se një 59-vjeçar duke drejtuar kamionin ka humbur kontrollin dhe për pasojë mjeti ka dalë nga rruga. Mësohet se nga aksidenti i plagosur ka mbetur drejtuesi i kamionit.
NJOFTIMI I POLICISË:
Elbasan/Informacion paraprak Rreth orës 12:00, në aksin rrugor “Librazhd-Qafë Thanë”, në fshatin Pishkash, shtetasi A. S., 59 vjeç, banues në Elbasan, duke drejtuar automjetin (kamion), ka humbur kontrollin dhe për pasojë automjeti ka dalë nga rruga. Nga ky aksident është dëmtuar 59-vjeçari i cili ndodhet në spital, në kujdesin e mjekëve. Grupit hetimor po punon për përcaktimin e shkaqeve të këtij aksidenti.
