Në orët e para të mëngjesit mësohet se ka ndodhur një aksident ku një makinë ka dalë nga rruga dhe ka përfunduar disa metra poshtë në përrua.
Ngjarja ka ndodhur në Rrugën e Arbrit në afërsi të fshatit Shkallë.
Dyshohet se drejtuesi i mjetit ka humbur kontrollin e mjetit tip Audi, dhe ka dalë nga rruga duke rënë disa metra poshtë.
Si pasojë e aksidenit ka vetëm dëme materiale, ndërsa dy personat që ndodheshin në makinë kanë shpëtuar për mrekulli me dëmtime të vogla dhe po marrin ndihmën mjekësore në spitalin e Burrelit.
Grupi hetimor po kryen veprimet për zbardhjen e shkaqeve të aksidentit.
