SHKODËR-Një aksident i rëndë është regjistruar mbrëmjen e sotme në rrugën Shkodër-Velipojë, zona e Dajçit. Mësohet se një person i identifikuar si Mirash Lezaj ka mbetur i vdekur pasi humbi kontrollin e motorit duke rënë anash rrugës. Ai kishte marrë dëmtime të shumta në trup si pasojë e përplasjes. Dhe pse u dërgua menjëherë në spitalin e Shkodrës, nuk mundi ti mbijetojë plagëve të marra. Grupi hetimor vijon veprimet për sqarimin e rrethanave dhe shkakut të aksidentit.
NJOFTIMI I POLICISË:
Rreth orës 17:40 në fshatin Dajç, Shkodër shtetasi M. R. 59 vjeç, banues në Suka Dajç, duke drejtuar motorçikletën, dyshohet se ka humbur kontrollin mbi drejtimin e motorçikletës, ku si pasojë është rrëzuar dhe ka humbur jetën. Grupi hetimor vijon veprimet për sqarimin e rrethanave dhe shkakut të aksidentit.
