TIRANË– Një aksident është regjistruar pasditën e kësaj të mërkure në zonën e Rrugës së Kavajës në Tiranë. Raportohet se një makinë ka përplasur një 25-vjeçare, identiteti i së cilës nuk është bërë i ditur teksa ishte duke kaluar vijat e bardha.
Pamjet flasin vetë, shumë qytetarë janë mbledhur për të ndihmuar të renë, e cila më pas është dërguar në spital për të marrë ndihmën e nevojshme mjekësore. Deri më tani nuk kemi njoftim zyrtar nga Policia e Tiranës dhe as nëse drejtuesi i mjetit është ndaluar.
