VLORË– Një asksident i rëndë është shënuar mbrëmjen e sotme rreth orës 17:30 në rrugën “Sokrat Leka” në Vlorë. Policia bën me dije se një makinë që drejtohej nga një 29-vjeçar i identifikuar me inicialet E.D ka dalë nga rruga dhe ka përfunduar në murin e një banese.
Si pasojë e përplasjes së fortë kanë mbetur të plagosur drejtuesi i mjetit dhe dy pasagjerët që ndodheshin në makinë me të, të identifikuar me inicialet M.S dhe A.H, të cilët ndodhën në spitalin e Vlorës fatmirësisht jashtë rrezikut për jetën. Ndërkohë në vendin e ngjarjes ka mbërritur dhe grupi hetimor, i cili po punon për zbardhjen e plotë të rrethanave të aksidentit
NJOFTIMI I POLICISË:
Rreth orës 17:30, në rrugën “Sokrat Leka”, Vlorë, shtetasi E. D., 29 vjeç, duke drejtuar automjetin dyshohet se ka humbur kontrollin dhe është përplasur me murin e një banese. Si pasojë e aksidentit janë dëmtuar drejtuesi i automjetit shtetasi E. D, dhe dy pasagjerët shtetasit M. S., dhe A. H., të cilët ndodhen në spitalin e Vlorës, jashtë rrezikut për jetën. Në vendngjarje ndodhet grupi hetimor, i cili po kryen veprimet e mëtejshme për sqarimin e plotë të rrethanave të aksidentit.
