KURBIN– Një aksident tragjik është regjistruar mbrëmjen e sotme në Fushë Kuqe të Kurbinit. Raportohet se një makinë ka përplasur për vdekje një 2-vjeçar. Mësohet se i mituri ka qenë duke luajtur buzë rrugës në momentin që është përplasur nga një makinë.
Ai është nisur menjëherë drejt spitalit por fatkeqësisht nuk ka mundur tu mbijetojë dot plagëve të marra dhe ka humbur jetë rrugës për në spital. Policia dhe grupi hetimor kanë mbërritur në vendin e ngjarjes dhe po punojnë për zbardhjen e shkaqeve të aksidentit.
