LEZHË– Dy të vdekur dhe një i plagosur është bilanci i një aksidenti fatal të regjistruar në orët e para të mëngjesit të kësaj të hëne në vendin e quajtur “Kryqëzimi i Kallmetit”. Raportohet senjë makinë tip ‘Fiat’ ka goditur nga pas një zetor. Për pasojë nga përplasja e xortë ka ndërruar jetë në vend shoferi dhe pasagjeri i “Fiat-it”, identiteti i të cilëve ende nuk bëhet i ditur.
Ndërsa drejtuesi i zetorit Ardian Tomaj nga fshati Gocaj, ka humbur kontrollin duke e nxjerrë mjetin nga rruga duke marrë disa lëndime dhe ndodhet jashtë rreziku për jetën në spitalin e Lezhës.
Sipas informacioneve shkak i këtij aksidenti tragjik dyshohet të jetë bërë shpejtësia dhe përgjumja e shoferit të Fiat-it. Policia dhe grupi hetimor po punojnë për zbardhjen e plotë të shkaqeve të aksidentit.
