GREQI– Shërbimi mjeko-ligjor i Larisës ka zbardhur autopsinë e viktimave nga aksidenti tragjik i përplasjes së trenave 4 ditë më parë. Fillimisht, certifikatat e para detajonin shkakun e vdekjes së viktimave. Megjithatë, për shkak se ky proces mori kohë dhe si rrjedhojë vonoi identifikimin e viktimave, pas komunikimit të mjekëve me ministrinë, u vendos një përfundim i përbashkët për të gjitha viktimat, shkruan Protothema.gr
Shkaku i vdekjes për të gjithë të ndjerit janë “lëndimet e shumta dhe të rënda në trup’.
Vërehet se nga ekzaminimi i mostrave në laboratorët e mjekësisë ligjore është identifikuar edhe një person i vdekur nga aksidenti i trenit në Larisa. Sipas policisë, numri i përgjithshëm i viktimave të identifikuara është 55. Numri total i të vdekurve të konfirmuar deri më tani është 57. Sipas raportimeve të fundit nga Shtabi i Ushtrisë Greke, janë edhe dy mostra të materialit biologjik të siguruar nga familjarët, të cilat nuk përputhen me ato të të vdekurve. Ka mundësi që kjo të ndryshojë pak numrin përfundimtar të viktimave, por ende nuk kanë përfunduar procedurat e hetimit laboratorik, pasi një tjetër mostër është dërguar nga vendi i aksidentit nga Zjarrfikësja.
