ELBASAN- Aksidenti i rëndë me pasojë vdekjen e 20-vjeçarit Fiori Sula më 23 Janar në unazën e qytetit të Elbasanit, ka ngritur këtë të dielë në protestë disa qytetarë, ku kanë protestuar në Unazën Jugore të Elbasanit. Qytetarët kanë bllokuar rrugën përkohësisht, duke bërë thirrje që të forcohen masat e kontrollit në këtë segment rrugor me rrezik për jetën e këmbësorëve.
Këta të fundit gjithashtu kanë kërkuar ndërtimin e një nënkalimi në Unazën Jugore, ku aksidentet gjatë viteve të fundit kanë qenë të shumta. Protestës së qytetarëve u është bashkuar Forumi Rinor i PD-së në Elbasan.
20- vjeçari Fiori Sula u aksidentuar për vdekje nga shtetasi Aristir Dimo, i cili pas ngjarjes është larguar menjëherë, ndërsa arrestimi i tij është bërë më datë 27 janar.
