TIRANË- Presidenti i Republikës së Shqipërisë Bajram Begaj ka reaguar në rrjetet sociale lidhur me aksidentin tragjik të shënuar mëngjesin e kësaj të diele në Kroaci ku një autobus me pasagjerës shqiptarë është aksidentuar si pasojë e motit të keq, duke shkaktuar 1 të vdekur, 9 të plagosur mes të cilëve 4 në gjendje të rëndë.
“Po ndjek me shqetësim aksidentin tragjik që ndodhi sot në Kroaci ku humbi jetën një shqiptar dhe u lënduan disa të tjerë. Dëshiroj t’i shpreh ngushëllimet e mia familjarëve për humbjen e njeriut të tyre të dashur. Gjithashtu siguroj të gjithë familjarët e të lënduarve se po e ndjek situatën në vijimësi duke komunikuar me Ambasadorin shqiptar në Kroaci, si dhe me autoritetet kroate. Dëshiroj t’i garantoj familjarët e të gjithë pasagjerëve të lënduar se shteti shqiptar është pranë tyre“, tha Begaj.
