LEZHË– Detaje të reja janë zbardhur nga aksidenti tragjik me pasojë vdekjen e 60-vjeçarit Frrok Lika në Lezhë. Raportohet se i mitur që drejtonte makinën e kishte marrë atë pa lejën e prindërve. Mësohet se Lika teksa ka qenë duke udhëtuar me motorçikletë i ka prerë rrugën makinës që drejtohej nga 14-vjeçari. Po ashtu bëhet me dije se i mituri ka qenë me shpejtësi të lartë, pas përplasjes siç shihet dhe në fotot ai ka dalë nga rruga. 14-vjeçari është shoqëruar në Polici dhe po merret në pyetje.
NJOFTIMI I POLICISË:
Lezhë/Informacion paraprak. Rreth orës 15:30, në rrugën dytësore që lidh fshatin Manati me Barbullojë e Re, shtetasi i mitur P. M. 14 vjeç, duke drejtuar një automjet, ka aksidentuar shtetasin F. L. 63 vjeç, i cili po lëvizte me motoçikletë. Për pasojë ka humbur jetën drejtuesi i motoçikletës. I mituri është shoqëruar në ambientet e policisë për kryerjen e veprimeve të mëtejshme procedurale bazuar procedurës standarte të punës dhe Kodit të Drejtësisë Penale për të Mitur. Grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.
