BULQIZË– Tre të vdekur është bilanci trragjiki i aksidentit të ndodhur mbrëmjen e sotme në aksin Bulqizë-Maqallarë. Një nga të plagosurat mësohet se është një grua e cila ka humbur jetën rrugës për në spital. Mësohet se dy makina janë përplasur kokë më kokë me njëra-tjetrën dhe janë dëmtuar plotësisht. Një prej kufomave është ende në vendin e ngjarjes pasi ka ngecur në makinë nga shtypja e madhe e pësuar nga përplasja. Në pamje të parë duket se kemi të bëjmë me një nga drejtuesit e automjeteve.
Siç shihet nga pamjet në vendin e ngjarjes kanë mbërritur forca të shumta policie që kanë bllokuar dhe qarkullimin në aksin për të bërë të mundur futjen e mjeteve të emergjencës. Një nga autoambulancat e spitalit të Bulqizës të mbërritura në vendin e ngjarjes duket se largohet me një nga të plagosurit.
