KORÇË– Detaje të reja janë zbardhur nga aksidenti i rëndë i regjistruar pak minuta më parë në aksin nacional Korçë-Pogradec. Raportohet se një nga vëllezërit, i cili u raportua i plagosur dhe në gjendje të rëndë shëndetësore ka ndërruar jetën në duart e bluzave të bardha. Viktima është Rei Sherifi, 15 vjeç. Vëllai i tij është nën kujdes intensiv.
Makina tip “BMW” me të cilën ata udhëtonin ka dalë nga rruga duke përfunduar disa metra jashtë saj. Policia ende nuk ka dalë me një njoftim zyrtar në lidhje me ngjarjen por si shkak i aksidentit dyshohet të jetë bërë humbja e kontrollit nga shoferi, vëllai i viktimës, 21 vjeç.
