TIRANË– Detaje të reja janë zbardhur këtë të mërkurë në lidhje me aksidentin e një dite më parë në digën e Liqenit Artficial. Bashkë me 26-vjeçarin Eldi Alushi në makinën “BMW X6” kanë qenë dhe Jurgen Alushi dhe Emiliano Nina, ky i fundit i shpallur në kërkim ndërsa shoku tjetër është shoqëruar në polici. Sipas hetuesve fakti që Eldi Alushi ka dhënë dëshmi kontradiktore në Polici dyshohet se mjeti nuk drejtohet nga ai por nga Nina.
Kush është Emiliano Nina?
Emiliana Nina është kushëri i të shumëkërkuarit të drejtësisë Ervis Martinaj. Nina rezulton të jetë një person me precdentë të theksuar kriminal dhe i ndaluar dhe herë të tjera nga Policia. Nina njihet dhe me emrin Emiljano Tasho. Në vitin 2015, ai u shpall në kërkim nga Policia për vrasjen e 30-vjeçarit Enton Nikaj. Ngjarje e ndodhur në nëntor në parkingun e një restoranti në Linzë, ku mbeti i plagosur edhe pronari i biznesit.
