VLORË– Janë zbardhur detaje nga aksidenti me vdekje i regjistruar një ditë më parë në aksin rrugor Fier-Vlorë. Përmes një njoftimi për mediat Policia bën me dije se në timon në momentin e aksidentit ka qenë bashkëshorti dhe jo bashkëshortja siç u raportua më parë.
NJOFTIMI I POLICISË:
Specialistët e Qarkullimit Rrugor të DVP Vlorë, në vijim të veprimeve hetimore për zbardhjen e rrethanave të aksidentit me pasojë vdekjen, të ndodhur ditën e djeshme, në aksin rrugor “Fier-Vlorë”, arrestuan në flagrancë shtetasin M. Gj., 53 vjeç, banues në Vlorë. Nga këqyrja e pamjeve filmike ka rezultuar se në kohën që është aksidentuar me pasojë vdekjen shtetasi Rr. V., 73 vjeç, automjeti tip “Ford” drejtohej nga shtetasi M. Gj. dhe jo nga bashkëshortja e tij, siç ata deklaruan fillimisht.
