TIRANË– Një 42-vjeçar është vënë në prangat e Policisë së Tijranës këtë të shtunë pasi një ditë më parë aksidentoi me makinë një të mitur në Rrugën e Dafinave. Për shkak të plagëve të marra vajza e mitur ndodhet në spital nën kujdesin e mjekëve. Ndërkohë dy të tjerë janë arrestuar pasi u kapën duke drejtuar makinën pa leje drejtimi dhe nën efektin e lëndëve narkotike.
NJOFTIMI I POLICISË:
Një 42-vjeçar në Tiranë ka aksidentuar një të mitur 3 vjeçe ditën e djeshme në Rrugën e Dafinave në Tiranë. Si pasojë, e mitura është në spital ndërsa shoferi është arrestuar nga policia.
Në pranga ra edhe R. Sh., 27 vjeç, banues në Tiranë, pasi u kap duke drejtuar automjetin pa leje drejtimi, dhe me qëllim shmangien e masës administrative i ka ofruar punonjësit të Policisë, një shumë parash.
U arrestuar edhe K. M., 27 vjeç, banues në Tiranë, pasi u kap duke drejtuar automjetin, pa leje drejtimi, si dhe G. K., 20 vjeç, pasi u kap duke drejtuar automjetin, në efektin e lëndëve psikotrope. Materialet i kaluan Prokurorisë, për veprime të mëtejshme procedurale.
