TIRANË– Ish-kryebashkiaku i Himares Vasil Bollano ëshrë arrestuar nga policia. Ai u shqërua që në momentin e para nl Komisariat ku dhe u mor në pyetje nga grupi hetimor. Tashmë, Bollano do të hetohet për veprën penale “Shkelja e rregullave të qarkullimit rrugor”, me pasojë vdekjen.
NJOFTIMI I POLICISË::
Specialistët e Qarkullimit Rrugor arrestuan në flagrancë shtetasin V. B., 66 vjeç, banues në Himarë. Ky shtetas, ditën e djeshme, rreth orës 17:00, duke drejtuar automjetin, në aksin rrugor Orikum-Llogara, në afërsi të fushës së sportit, ka aksidentuar shtetasin E. H., 17 vjeç, banues në Dukat, i cili lëvizte në këmbë. Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë. Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Shkelja e rregullave të qarkullimit rrugor”, me pasojë vdekjen.
Ngjarja e rëndë ndodhi rreth orës 17:00 afër fushës së sportit në Llogara. I mituri ka qenë duke kaluar rrugën kur është përplasur nga Bollano. Ish-kryebashkiaku në dëshmisë e dhënë para policisë është shprehur se i riu është hedhur përpara makinës. Ai po mbahet në Kimisariat deri në sqarimin e plotë të rrethanave të ngjarjes.
