VLORË– Policia e Vlorës dhe Fierit në këmbë. Raportohet se një akaion antodrogë është vënë në zbatim mbrëmjen e kësaj të shtune pas gjetjes së një skafi e një furgoni të mbushur me drogë në Darëzezë të Fierit. Policia dyshon se do të përdoreshin për transportimin e lëndës narkotike drejt Italisë.
‘Delta Forcë’ po kryen kontrolle në det, ndërsa Policia e Vlorës dhe ajo e Fierit po asistohet nga Forcat e Ndërhyrhjes së Shpejtë për të vijuar operacionin nga toka. Kontrollohet po fokusohen në vijën bregdetare nga hidrovori i Vlorës, pylli i Poros, Delisuf, grykëderdhje e Vjosës dhe në bregdetin e Semanit.
Policia ka mësyrë në fshatin Pish Polo në Noviselë pasi ai ka dalje në lumin Vjosë dhe përdoret shpesh për aktivitete kriminale. Po ashtu kontrolle po zhvillohen dhe në pyllin me pisha të Poros.
