SPAK ka firmosur disa urdhërarreste ditën e sotme. Në një operacion të SPAK në bashkëpunim me Policinë e Shtetit që ka nisur që prej pasdites, janë lëshuar urdhërarreste në Tiranë, Durrës, Vlorë dhe Krujë.
Urdhërarrestet janë firmosur për disa punonjës policie, mes të cilëve dhe një për shef komisariati.
Sipas të njëjtave burime, në Fushë Kuqe po kërkohet i njohuri si “baroni i drogës”, Gëzim Çela.
Urdhërarrestet vijnë në kuadër të operacionit policor të koduar “Flakë Deti” dhe sipas hetimeve, dyshohet se u trafikuan mbi 1 ton kanabis që do të shkëmbeheshin me kokainë në det në velierën që u fundos.
Detaje të tjera priten në vazhdim.
