KOSOVË– Një ditë pas skenave të papranueshme të dhunës të regjistruara në Kuvendin e Kosovës ka reaguar dhe ministri i Financave, i cili u përfshi dhe personalisht në sherr me deputetët e opozitës. Përmes një postimi në rrjetet sociale Hekuran Murati ka publikuar një foto që sipas tij tregon se veprimi i deputetëve të PDK-së ishte i planifikuar.
POSTIMI:
Se a ishte rasti i djeshëm vetëm aksion simbolik e spontan i një deputeti, apo veprim i paramenduar e i planifikuar nga PDK, e dëshmon fotoja më poshtë. A, nëse i keni dëgjuar mbrëmë analistët nëpër studio dhe deputetët që më sulmuan, edhe mund të krijohet përshtypja se deputetin Lushtaku e sulmuam nga ulësja e qeverisë e ai u vetëmbrojt te ulëset e qeverisë. E me të parë Mërgimin teksa vetëmbrohej, Hajdar Beqa e Bekim Haxhiu u nisën nga fundi i sallës me vrap drejt nesh, që të vetëmbroheshin edhe ata.
