TIRANË– Kryetari i Komisionit Qëndror të Zgjedhjeve ka komentuar për herë të parë në lidhje me aplikacionin “Aktiv1sti” të lançuar nag Partia Socialiste e ku rezultoi se punonjësit e administrates dhe zyrtarë të lartë jepnin like në postimet e kryeministrit dhe ministrave të kabinetit, sipas dëshmive të disa prej tyre dhe me detyrim. Në një deklaratë për mediat Celibashi tha se në KQZ nuk ka shkuar asnjë ankesë nga partitë në lidhje me këtë por nëse do të ketë KQZ do të bëjë të gjithë vlerësimet dhe verifikimet e nevojshme për të parë nëse ka shkelje të Kodit Zgjedhor.
Ilirjan Celibashi: Në KQZ nuk është paraqitur asnjë kërkesë, asnjë denoncim apo ankim në lidhje me këtë çështje dhe nuk mund të them asgjë, por nëse do të jetë objekt i shqyrtimit do ta vlerësoj nëse ka shkelje të ligjit apo jo, sjelle të partive apo edhe të institucioneve.
