TIRANË– Kryetari i Partisë Demokratike Sali Berisha ka akuzuar këtë të premte kryebashkiaken e Durrësit, e cila kandidon për një mandat të dytë në zgjedhjet vendore të 14 majit se ka abuzuar me fondet sa i përket Hidrovorit të qytetit. Gjatë fjalës së tij për mediat Berisha deklaroi se Hidrovori i Durrësit është simbloi i vjedhjes ndërsa për kryebashjkiaken Sako tha se nuk ka lënë ligj pa thyer vetëm për të vjedhur xhepat e qytetarëve dhe për t’u pasuruar. Sipas Berishës Hidrovori është ndërtuar me fondet e rindërtimit.
Sali Berisha: Një aferë tjetër superskandaloze është afera e zonjës Sako. Zonja Sako është një korruptokrate e pamëshirshme. Zonja Sako, për të vjedhur, nuk le ligj pa thyer, nuk le standard pa shkelmuar. Tani hidrovori i Durrësit është simboli i zi i vjedhjeve të saj. Ju lutem qytetarëve dhe ju, unë po lexoj përmbledhjen e kësaj afere. Së pari, investimi për hidrovorin ndonëse nuk ka lidhje me asnjë fatkeqësi natyrore, u trajtua si rindërtim dhe u prokurua me fondet e rindërtimit të tërmetit. Imagjinoni se çfarë bëjnë këta me qytetarët hallexhinj që presin në çadra apo të strehuar në mënyrën më të keqe. Paratë i përdorin për hidrovorin. Së dytin, projekti filloi si përforcim në rindërtim, duke shpërdoruar fondet e rindërtimit. Së treti, u ndryshua pozicioni i vendosjes së godinës ekzistuese dhe zhvendoset pranë Porto Romanos, duke rritur kostot dhe shtuar 3600 metra linear kanal shumë të thellë dhe shpenzime të tjera që shkojnë në 26 milionë euro, vetëm për të vjedhur. Së katërti, zhvendosja lidhet me investimin në Portin e Durrësit.
Vetëm projekti i rehabilitimit të infrastrukturës ka kushtuar 7.2 milionë euro. Prokurimi ishte fiktiv sepse projekti ishte përgatitur nga projektuesi. Data e lidhjes së kontratës është më vonë. Leja është miratuar pa u kryer shpronësimi, edhe kjo një shkelje shumë e rëndë ligjore nga Sako. Sako firmosi për tjetër pozicion dhe tjetër pozicion propozoi Këshilli Bashkiak dhe tjetër pozicion është zbatuar për godinën e hidrovorit. Sako është pra në një vepër të rëndë penale. Kjo zonjë e ka vendin në hetim të thellë të SPAK. Pavarësisht se Rama e paralizon SKAP-in, ne do të dorëzojmë këtë për ndjekje penale. Le ta quajë Rama si të dojë, ajo do të shkojë për ndjekje penale.
