TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka kërkuar 2.8 vite burg për ish-shefin e krimeve në Elbasan Leonard Palushi. Pretenca u dha ditën e sotme në Gjykatën e Shkallës së Parë Kundër Korrupsionit dhe Krimit të Organizuar. Sipas pretencës Palushi përfiton zbritjen e dënimit me 1/3 për shkak të gjykimit të shkurtuar, ndërkohë që SPAK kërkoi përfundimisht dënimin e tij me 2 vite e 8 muaj. Ai akuzohet për korrupsion, ndërsa bie akuza e shpërdorimit të detyrës.
Lonard Palushi është marrë i pandehur dhe akuzohet për veprën penale të “Korrupsionit pasiv të personave që ushtrojnë funksione publike’’, parashikuar nga neni 259 Kodit Penal. SPAK ka mbyllur hetimet për Palushin dhe ka dalë në përfundimin se ai i ka shërbyer Erion Alibejt, në këmbim të mjetit që ka marrë si dhuratë.
