TIRANË– Kreu i grupit të Partisë Socialiste Taulant Balla i është përgjigjur akuzave të bëra nga kryedemokrati Sali Berisha në lidhje me atentatin ndaj kreut të PD-së dega Vau i Dejës Bernard Ndreca. Nga foltorja e Kuvendit Balla ka sfiduar Berishësn që të bëjë publik emrat e autorëve që ai pretendon se fshihen nga PS ose ndryshe të mbyllë gojën.
Taulant Balla: Gjithmonë kështu ka bërë. Fajësonte Kryeministrin e asaj kohe të PS. Faktet treguan se ishte komplet një histori tjetër, vetë ky ishte i lidhur dhe e nxori bashkëpunëtorin e tij në pritë. Unë e përgëzoj ministrin e Brendshëm që nuk iu përgjigj, përgjigjen duhet ta japin institucionet. Ngjarja duhet zbardhur. Nuk e bën politika policin apo prokurorin. E sfidoj Berishën, të shkojë t’i çojë në prokurori emrat që gjoja ka. Ka një nen që e detyron të bëjë kallëzimin. Shkoni bëjeni kallëzimin, ose ndryshe mbylleni gojën se mund të ketë gjëra që s’i dihet.
