“Askush nuk është mbi ligjin, madje as një ish-president,” tha avokati i ish-kolumnistes Roberta Kaplan në përfundim të seancës gjyqësore të ish-presidentit të SHBA, Donald Trump.
Trump u thirr në gjykatë për akuzat lidhur me përdhunimin e shkrimtares Elisabeth Jean Carroll.
Sipas mediave vendase ekipi ligjor i Carroll përgatiti një prezantim prej rreth një ore ku janë përmbledhur deklaratat më të famshme seksiste dhe vulgare të Trump.
Carroll ka paditur Trumpin për shpifje, duke pretenduar se ai e përdhunoi atë në një dhomë zhveshjeje të Bergdorf Goodman në pranverën e vitit 1996. Nga ana tjetër Trump i ka mohuar vazhdimisht akuzat e saj duke thënë se nuk ka asnjë dijeni mbi çështjen mbi të cilën po akuzohet. Kjo nuk është hera e parë që Trump përballet me akuza të tilla, vetëm pak kohë më parë ai u akuzua nga pornostarja Stormy Daniels.
