ELBASAN– Gjykata e Elbasanit ka shpallur të pafajshëm Klement Çalen, i cili akuzohej për pastrim parash. Vendimi është dhënë nga gjyqtarja Pajtime Fetahu, e cila e ka deklaruar të pafajshëm Klement Çalën, për akuzën “pastrimi i produkteve te vepres penale”. Vendimi është dhënë këtë të enjte, 29 dhjetor në Gjykatën e Elbasanit.
Klement Çala është i akuzuari i 7-të si pjesë e bandës së grabitësve që vodhën paratë e bankës në rrugën e Rinasit. Gjykata e Krimeve të Rënda e ka dënuar Klement Çalën me 25 vite burg më 14 nentor 2017 si një nga të akuzuarit për grabitjen e 3.2 milionë Eurove në rrugën e Rinasit.
