SHBA– Ish-presidenti i Shteteve të Bashkuara të Amerikës Donald Trump, u deklarua i pafajshëm këtë të enjte për një padi penale të gjerë të Gjeorgjisë në lidhje me përpjekjet e tij për të përmbysur humbjen e tij në zgjedhjet e vitit 2020, sipas një dosjeje gjyqësore. Kjo do të thotë se Trump, kandidati kryesor për nominimin republikan në vitin 2024, nuk do të paraqitet personalisht në Gjykatën e Qarkut Fulton në Atlanta javën e ardhshme për t’u përballur me akuzat, shkruan Reuters.
Prokurori i qarkut Fulton, Fani Willis e ka akuzuar Trumpin me 13 akuza për krime, duke përfshirë shantazh, për presion ndaj zyrtarëve të shtetit për të ndryshuar humbjen e tij në zgjedhjet e vitit 2020 dhe se ka krijuar një listë të rreme zgjedhësish për të minuar certifikimin e kongresit të fitores së presidentit demokrat Joe Biden.
