TIRANË– Gjykata e Posaçme e Apelit Kundër Korrupsionit dhe Krimit të Organizuar ka lënë në burg këtë të enjte kryebashkiakun e zgjedhur të Himarës Fredi Beleri. Ndërsa për Pandeli Kokaveshin GJKKO ka ndryshuar masën e sigurisë duke e lënë me detyrim paraqitjeje.
Fredi Beleri u arrestua nga Policia e Vlorës një natë para zgjedhjeve vendore të 14 majit nën akuzën e “Korrupsionit aktiv në zgjedhje”. Çështja i kaloi për hetim Prokurorisë së Posaçme Kundër Korrupsionit dhe Krimit të Organizuar (SPAK). Pak ditë më parë Gjykata e Posaçme i caktoi masën e arrestit me burg ndërsa Komisioni Qëndror i Zgjedhjeve i dha mandatin e kryebashkiakut.
