TIRANË– Gjykata e Posaçme Kundër Korruopsionit dhe Krimit të Organizuar ka shpallur këtë të enjte mos-kompetencë për dosjen në ngarkim të ish-prokurorit të Vlorës Maksim Sota, ish-shefit të sektoreve kundër trafiqeve në Vlorë Ilirjan Ballën dhe ish-oficerin Artur Krasniqi, të cilët akuzohen për shpërdorim detyre. Të tre u arrestuan në vitin 2021 në kuadër të operacionit “Shpirti”.
Pas këtij vendimi nga ana e Gjykatës së Posaçme çështja në ngarkim të tyre do ti kalojë Gjykatës së Durrësit. Maksim Sota akuzohet si i përfshirë në rrjetin e trafikut të drogës Shqipëri-Itali. Prokuroria e Posaçme Kundër Korrupsionit dhe Krimit të Organizuar akuzon prokurorin Sota ka jetuar në një shtëpi me një të dënuar për trafik droge, apartament që qiraja paguhej nga një tjetër trafikant, edhe ai i arrestuar tashmë në operacionin “Shpirti”.
