TIRANË– Ish-ministri i Mbrojtjes Fatmir Mediu ka folur për mediat pas daljes nga Prokuroria e Posaçme ku iu prezantuan dhe akuzat e ngritura ndaj tij nga prokurorët. Ai shprehet se nuk ka pasur asnjë kontakt të paparshtatshëm me askënd gjatë asaj kohe dhe tha se ka kërkuar që në mbledhjen e Këshillit të Sigurisë Kombëtare të hetohet çdo telefonatë e tij. Ndër të tjera ai tha se pozicioni i ministrit të mbrojtjes është një pozicion civil dhe jo ushtarak dhe se ministri nuk e di vendet ku janë forcat e armatosura dhe se 15 ditë para se të ndodhte tragjedia ka qenë një mbledhje me ekipin amerikan, i cili e ka konsideruar Gërdecin si një prej strukturave më të mira. Sa i përket përfshirjes së djalit të ish-kryeministrit Sali Berisha, Shkelzen Berisha në këtë ngjarja ish-numri një i Mbrojtjes u shpreh se nuk ka kontaktuar me askënd dhe nëse del një provë është i gatshëm të mbajë përgjegjësi maksimale.
Fatmir Mediu: Nuk e di se kam parë dosjen. Më është dhënë i njëjti fashikull që ka qenë më parë. Ka qenë e motivuar politikisht. Ministria e Mbrojtjes është konsideruar si një strukturë kriminale. Ajo ministri ka qenë drejtimi i anëtarësimit në NATO gjë që është vlerësuar edhe nga SHBA. Trajtimi i tillë është i padrejtë. Secili duhet të ketë të drejtë të pyetet. Ministri i Mbrojtjes nuk di ku janë vendet e forcave të armatosura. Edhe sikur të ndodhte në mes të malit, ata persona do të kishin të njëjtin problem. Në dijeni të vendit ka qenë gjithë autoritetet ushtarake. Gjithçka funksiononte si farmaci, thonin. 15 ditë përpara shpërthimit të Gërdecit, ka qenë një mbledhje me ekipin amerikan që na mbështeste, me shtabin e përgjithshëm dhe ministrinë, ku është cilësuar Gërdeci si një nga strukturat më të mira. Kush mund ta certifikojë një proces ushtarak. Secili të lexojë ligjet. Ministri është autoritet civil, jo ushtarak. Nuk ka qenë ministri prezent por autoritetet më të larta ushtarake. Kush mund ta certifikojë një proces ushtarak do u lutesha gjithsecilit që të lexojë edhe rregulloren. Është thjeshtë e qartë se nuk kam asnjëlloj dijenie as nuk e di se kush ka firmosur. Bumçi ka dhënë sqarimet e veta. Nuk kam diskutuar me asnjë. Nëse do të më gjenin një marrëdhënia timen me këtë çështje gjithë përgjegjësin e marr unë,. Nuk kam pasur asnjëlloj kontakti me firmën amerikane që merrej me demontimin. Këtu ka shumë çështje që vlerësohen nga unë në mënyrë subjektive ju si gazetare gjeni objektivitetin. Ministri duhet të pyetet. Unë u njoha me aktet dhe jam i gatshëm që në çdo kohë që të më thërrasin të përgjigjem për çdo germe që kam firmosur. Kam shpresuar se do të ketë drejtësi.
Pyetje: Është folur për rolin e Shkëlzen Berishës keni pasur kontakt me Shkëlzen Berishën?
Fatmir Mediu: Unë nuk kam asnjë lloj dijenie për atë lloj shkrese që thoni ju. Aldo Bumçi ka dhënë shpjegimet e tij. Nuk kam diskutuar me asnjë. Nëse do më gjenin një marrëdhënie time specifike me këtë ngjarje, atëherë do marrë unë përgjegjësinë time. Nuk kam pasur asnjë lloj kontakti me këto firmat.
Pyetje: Keni besim tek SPAK?
Fatmir Mediu: Një proces kërkonte që edhe ministri të pyetet. Unë u njoha me aktet dhe kam thënë që jam i gatshëm të pyetem.
