TIRANË– Aishe Haklaj, motra e madhe e Fatmir Haklajt kështë kthyer këtë të premte nga Suedia ku jeton dhe është paraqitur në Prokurorinë e Posaçme Kundër Korrupsionit dhe Krimit të Organizuar ku po merret në pyetje nga hetuesit. Mësohet se thirrja e saj në SPAK është bërë në lidhje me një kallëzim që Aishe Haklaj ka bërë kundër kreut të Partisë Demokratike Sali Berisha në vitin 2021 në Prokurorinë e Posaçme. Haklaj akuzon Berishën për vrasjen e 4 vëllezërve të saj, Halil, Shkëlqim, Fatmir dhe Ylli Haklaj.
Në dyert e Prokurorisë së Posaçme Aishe Haklaj është parë e vetme dhe jo e shoqëruar me avokat. Raportohet se prej më shumë se dy orësh Aishe Haklaj po jep dëshminë e saj para SPAK për akuzën e ngritur. Kjo është dhe hera e parë që ajo thirret në cilësinë e kallëzueses për këtë padi. Haklaj po merret në pyetje nga kreu i SPAK Altin Dumani që është edhe prokuror i kësaj çështjeje dhe prokurorja tjetër, Elida Kaçkini.
