Kryeministri i Kosovës, Albin Kurti, ditën e djeshme udhëtoi drejt Vatikanit ku bëri një takim me papa Franceskun. Më vonë, ai u nis drejt Brukselit dhe takoi Josep Borrel së bashku me presidentin e Serbisë, Aleksandër Vucic, ku qëllimi kryesor i takimeve ishte bashkëpunimi sëbashku me Serbinë dhe lirimi i menjëhershëm i tre efektivëve policorë të cilët janë rrëmbyer nga forcat serbe.
Ditën e sotme, Albin Kurti ka bërë një deklaratë-
“Stërvitjet e sotme nga Regjimenti i III i FSK të Kosovës në Mitrovicën e Jugut janë një aktivitet rutinë, i planifikuar çdo vit, për të cilin KFOR-i ishte plotësisht i informuar. Ai përbëhej nga 215 ushtarë që shkonin nga garnizoni “Minatori” në Frashër dhe ktheheshin. Dezinformimi është i rrezikshëm dhe i papranueshëm. Bazuar në provat e shumta dhe në përputhje me Kodin e Procedurës Penale dhe të drejtat e procesit të rregullt ligjor, Policia ka arrestuar një person në N. Mitrovicë për sulmon ndaj KFOR në Zveçan më 29 maj. Si kryeministër i një shteti demokratik nuk kam asnjë përfshirje në hetimet dhe arrestimet. Përhapja e panikut dhe pretendimeve të rreme vetëm ndez tensionet dhe ndihmon ata që kërkojnë t’i përshkallëzojnë ato. Një thirrje për të gjithë: ju lutemi konfirmoni burimet tuaja dhe prisni informacione zyrtare nga institucionet e Kosovës përpara se të vendosni të angazhoheni publikisht në transmetimin e lajmeve ose parashikimin e ngjarjeve”,shkruan në Twitter Kurti.
