TIRANË– Deputeti i Partisë Demokratike Enkelejd Alibeaj ka mbledhur këtë të shtunë Kolegjin e Kryetarëve që e mbështesin ku kanë diskutuar për zgjedhjet vensore të -4 majit. Raportohet se brenda mbledhjes ka pasur disa qëndrime të ndryshme nga një pjese e krerëve të degëve.
Kryetari i degës së Mirditës, Mark Ruçi ka deklaruar se PD zyrtare duhet të dalë me 61 bashki.
Kreu i Degës së Durrësit Joni Myshketa është shprehur se i ka emrat e mundshëm për kryebashkiakë, por ‘duhet të ruajmë përçarjen e mëtejshme’ është shprehur ai.
Kryetari i degës së PD në Kuçovë, shprehet kundër propozimeve të deputetëve që PD zyrtare të futet vetëm me Këshilla Bashkiakë. Ai ka deklaruar se PD duhet të futet patjetër me kandidat.
Kreu i degës 8, Pëllumb Seferi kërkon kandidat me logon zyrtare në Tiranë.
Kreu i degës së Dibrës, Naim Gazidede tha se PD ose duhet të dalë me kandidatë për kryebashkiakë, ose mos të futet fare në zgjedhje.
