TIRANË– Deputeti i Partisë Demokratike Enkelejd Alibeja ka mbledhur mbështetësit e tij për të diskutuar për zgjedhjet vendore të 14 majit. Raportohet se gjatë mbledhjes deputetja Dhurata Çupo ka kërkuar që dy pjesët e PD të dalin me kandidatët të përbashkët ndërsa është shprehur se grupi që mbështet Enkelejd Alibeajn që mban dhe vulën e PD pas vendimit të Apelit të dalin me kandidatë vetëm për Këshillin Bashkiak dhe jo për kryetar bashkie.
Dhurata Çupi: Së pari ne duhet të mbajmë strukturat unike dhe fakti që kemi mendim po thuajsë gjysmë për gjysmë kemi rrezikun që të ndahemi edhe një here e mund të zvogëlohemi përsëri. Kjo është përgjegjësi direkt e juaja Enkelejd dhe Gaz. Ju duhet të jeni përbashkues. Së dyti kam refuzuar sulmet e foltores si të shitur e të blerë dhe sot refuzoj akuzat këtu që ne që kemi mendim ndryshe të konsiderohemi që shohim interesat tona. Këtë e refuzoj edhe këtu. Më dhemb PD dhe do bëj çmos të rritet PD dhe të bashkohet sa të mundet. Ne kemi optimizmin të dalim me listën e këshillave bashkiak dinjitoze dhe figura dinjitoze dhe të votohemi shumë më shume se partitë e tjera. Ndërkohë nuk duhet te dalim me kandidatura për kryetar bashkie. Dhe këtë e kam për të mirën e PD dhe të bashkimit
