TIRANË– Deputeti i Partisë Demokratike Enkkelejd Alibeaj foli dhe për viztën e tij në Mbrëtërinë e Bashkuar. Sipas tij atje i është thënë se të gjithë ata që minojnë demokracinë do të shpallen non grata. Sa i përket seancës së sotme plenare ai u shpreh se është e turpshme që kryeministri nuk vjen ne Kuvend kur i kërkohet interpelancë.
Enkelejd Alibeaj: Është shumë e turpshëm tallja me Parlamentin, ajo çfarë kemi kërkuar është që kryeministri ka detyrim politik, ligjor, të përgjigjet kërkesës për interpelancë. Faktet e dala nga drejtësia amerikane i referohen atij, të dhënat kanë dalë nga zyra e tij. Nëse nuk vjen ka ndodhur diçka. Në dy seanca nuk ka ardhur, pra s’kemi kryeministër. Kjo interpelancë ka një veçanti, bëhet fjalë për të dhënë shpjegime për fakte që sipas drejtësisë amerikane, implikohet Edi Rama. Nëse nuk vjen, ne do vazhdojmë të bëjmë të njëjtën gjë. Jemi para një vepre penale. Kërkoj procedimin penal. Në Britaninë e Madhe na është thënë se do të shpallet non grata të gjithë ata që minojnë demokracinë.
