Alimehmeti: Primaret, që votuesi të zgjedh kë do dhe kush punon. Sytë dhe objektivi 14 maj

I pyetur nëse për shkak të kohës dhe fazës ku ndodhet aktualisht Partia Demokratike mund të jetë kjo paralizuese, Alimehmeti tha se nuk e sheh aspak të tillë, pasi 6 muaj para zgjedhjeve njerëzit po njohin 7 ofertat, kohë që sipas tij të lejon të punosh më shumë dhe të njohësh problemet që janë në terren.

Gjërat bëhen nga terreni jo nga zyra. Zyra dhe fusha janë dy gjëra të ndryshme, pasi njihen kandidatët, ventilohen tezat, pra jemi me disa oferta të ndryshme që u kemi ofruar votuesve tanë. Kush i përfaqëson më mirë, kush besojnë ata se punon më mirë dhe e treta kush i ka gjasat më të mira për të fituar në maj. Sytë dhe objektivi është në 14 maj.