Këtë të enjte kryeprokurori i SPAK në një deklaratë për gazetarët ka folur për çështjen e ndërtimit të kullës ‘përbindësh’ më të madhe në qendër të Tiranës. Kreu i prokurorisë së posaçme zbuloi se në cilën fazë ndodhen hetimet dhe për hapat që po hidhen.
Kreu i SPAK konfirmoi se është caktuar prokurori i çështjes që do të hetojë dosjen për projektin e kullës në qendër të Tiranës.
Më 8 gusht Partia Demokratike depozitoi në SPAK dosjen për qiell gërvishtësen me 65 kate “Mali i Tiranës”, 185 metra e lartë që ka nisur të ndërtohet prapa Teatrit të Operas dhe Baletit.
“Është marrë një kallëzim penal nga Partia Demokratike lidhur me këtë çështje. Është hedhur ne short është caktuar prokurori i çështjes. Nuk mund të jap detaje për hetimet pasi me të po merret prokurori i përcaktuar nga shorti”, tha Dumani.
I takon prokurorit të vendosë brenda 15 ditëve se çfarë do të bëjmë me këtë dosje, nëse do ta rikthejë, do ta pushojë apo do ta regjistrojë për fillim të hetimeve.
Debati që kulmoi në mes të muajit gusht, përfshiu aktorët kryesorë të politikës në Shqipëri.
Ndërtues i kullës është sipërmarrësi Ilir Shtufi.
Biznesmeni njihet si person i afërt me familjen e ish-kryeministrit Sali Berisha.
/ Newszone
