Alvaro Rodrigez, është bërë personazhi i ditës me golin në derbin kundër Atletikos. Gazeta spanjolle “Marca” ka rrëmuar nëpër arkiva duke gjetur dhe letrën që klubi “Merengues” i dërgoi lojtarit para se ai të vinte në provë te Reali në vitin 2017, kur ishte vetëm 11 vjeç.
Reali do ta provonte më 17 mars 2017 në orën 09:30 dhe ai ishte lojtari numër 45.215. Interesante është përmbajtja e letrës, me klubin madrilen që i kërkonte lojtarit të mos vishte uniformën e bardhë.
“Në përputhje me kërkesën që na keni bërë, ju ftojmë të bëni testim… Duhet të paraqiteni në kohën e testit me këtë letër në qendrën stërvitore të Realit (…) i pajisur me këpucë me taka gome, çorape sportive (mundësisht të bardha) dhe një peshqir. Mund të shoqëroheni nga dy të afërm, por lutemi mos vishni uniformën sportive të Realit, për shkak të konfuzionit që mund të krijohet”.
Alvaro në fakt nuk do të paraqitej në teste, sepse Girona që e kishte kontaktuar më parë nuk dëshironte ta linte. Por ajo që nuk ndodhi në vitin 2017, ndodhi në vitin 2020, kur Alvaro nënshkroi për Realin.
