Kur shkrimtari i njohur shqiptar, Ismail Kadare ndërroi jetë, botuesi i tij bëri një akuzë të rëndë.
Ai tha se ambulanca që erdhi për të marrë shkrimtarin nuk kishte asnjë kusht brenda. Jo vetëm kaq por ambulanca mbeti në trafikun e tmerrshëm të Tiranës.
Një ditë më parë, një 14-vjeçar u vra në mes të Tiranës. Ngjarja tronditi opinionin publik.
Një farmaciste që ndihmoi të miturën për në spital tha se trafiku i Tiranës i mori jetën fëmijës. Askush nuk mund të thotë nëse Kadare apo i mituri mund të kishin mbijetuar nëse do shkonin më shpejt në spital apo nëse ambulanca do të kishte kushtet e duhura.
Por fakt është se dikush duhet të mbajë përgjegjësi për këtë krim ndaj kryeqytetit dhe ai është Erion Veliaj.
Ky qytet është bërë jo vetëm i pabanueshëm, jo vetëm i shtrenjtë deri në çmenduri, por po bëhet edhe vrastar.
Këto janë raste të bëra publike, por sa e sa të tjerë nuk kanë shkuar dot në kohën e duhur në spital për shkak të trafikut të çmendur në qytetin e betonizuar nga Erion Veliaj dhe Edi Rama.
Shto këtu mijëra e mijëra që sëmurën e dergjen spitaleve nga ajri i ndotur në një prej qyteteve më të pista në planet.
Vrasja e 14-vjeçarit dje është një kambanë alarmi më shumë për të reaguar për këtë qytet që nuk plotëson as kushtet më minimale të jetesës.
